முத்ரா யோஜனா!

பொதுமக்களுக்காக மத்திய அரசு பல்வேறு திட்டங்களைச் செயல்படுத்தி வருகிறது. முத்ரா கடன் அதில் ஒரு முக்கியமான திட்டமாகும். இத்திட்டத்தின் மூலம், பல்வேறு பிரிவுகளின் கீழ் தகுதியின் அடிப்படையில் கடனுதவி வழங்கப்படுகிறது.

​யாருக்கெல்லாம் கிடைக்கும்?

தொழில் செய்ய விரும்பும் பலர் இந்தியாவில் உள்ளனர். ஆனால் மூலதனம் இல்லாததால் அவர்களால் தொழில் செய்ய முடியாமல் போகும். அப்படிப்பட்டவர்களுக்கு உதவும் வகையில் முத்ரா கடன் திட்டம் தொடங்கப்பட்டுள்ளது. இந்தத் திட்டத்தின் கீழ், தனிநபர்கள், வணிக உரிமையாளர்கள், நிறுவனங்கள் மற்றும் சுயதொழில் செய்பவர்களுக்கு ரூ.10 லட்சம் வரை கடன் வழங்கப்படும்.

யாருக்கெல்லாம் கிடைக்காது?

விவசாயம் மற்றும் அதனுடன் தொடர்புடைய தொழிலுக்கு இத்திட்டத்தில் கடன் கிடைக்காது. இந்தக் கடனுக்காக எந்தவொரு கார்பரேட் நிறுவனமும் விண்ணப்பிக்க முடியாது. புதிதாகத் தொழில் தொடங்க விரும்புவோருக்கு மட்டுமே இந்த கடன் திட்டம் பயனளிக்கும்.

நிபந்தனைகள் என்ன?

இந்தத் திட்டத்தின் கீழ் வங்கிகள், சிறு நிதி நிறுவனங்கள் மூலம் கடன் வாங்குபவரிடம் இருந்து பிணையம் எதுவும் கேட்கப்படாது. மேலும், பெயரளவிலான செயலாக்கக் கட்டணம் மற்றும் சில கட்டணங்கள் உள்ளன. மேலும், 1 ஆண்டு முதல் 5 ஆண்டுகள் வரை கடனைத் திருப்பி செலுத்தும் கால அவகாசமும் வழங்கப்படுகிறது.

​வட்டி எவ்வளவு?

இந்தத் திட்டத்தின் கீழ் கடனுக்கான வட்டி விகிதம் விண்ணப்பதாரரின் சுயவிவரம் மற்றும் வணிகத் தேவைகளின் அடிப்படையில் தீர்மானிக்கப்படுகிறது.

எவ்வளவு கடன் கிடைக்கும்?

முத்ரா யோஜனா சிஷு, கிஷோர் மற்றும் தருண் ஆகிய 3 கடன் திட்டங்களின் கீழ் வகைப்படுத்தப்பட்டுள்ளது. சிசு திட்டத்தில் 50 ஆயிரம் ரூபாய் வரை கடன் கிடைக்கும். கிஷோர் திட்டத்தில் ரூ.50,001 முதல் ரூ.5 லட்சம் வரை கடன் கிடைக்கும். இது தவிர தருண் திட்டத்தின் கீழ் ரூ.5,00,001 முதல் ரூ.10 லட்சம் வரை கடன் பெறலாம்.

எங்கே வாங்குவது?

இத்திட்டத்தில் கடன் பெறுவதற்கு அருகில் உள்ள வங்கிகளிலேயே விண்ணப்பங்கள் கிடைக்கும். விண்ணப்பத்தில் அடையாளச் சான்று, இருப்பிட சான்று, புகைப்படம், இயந்திரம் மற்றும் இதர உபகரணங்கள் வாங்குவதற்கான ரசீது, சப்ளையர் விபரங்கள், தொழிற்சாலை இருக்கும் இடம் போன்ற விவரங்களை நிரப்ப வேண்டும்.

​கடன் அட்டை!

முத்ரா கடன் கிடைத்தவுடன் பயனாளிக்கு அதற்கான முத்ரா அட்டை வழங்கப்படும். இந்த அட்டையை மூலப் பொருட்கள் வாங்கும் போது கிரெடிட் கார்டு போல நீங்கள் பயன்படுத்திக் கொள்ளலாம்.

By Editor

Leave a Reply

Your email address will not be published. Required fields are marked *

error: Content is protected !!
Enable Notifications OK No thanks
On which category would you like to receive?